وأغادر فيغادرني الدفء
وتصيبني وعكة قلبيه
" ليس في كوفية الصوف دفء لمهاجر " - علوان
إظهار الرسائل ذات التسميات فضفضه. إظهار كافة الرسائل
إظهار الرسائل ذات التسميات فضفضه. إظهار كافة الرسائل
رسائل 2
" لماذا أظل فى هذا التعب المضنى صديقتى....لماذا لا أستطيع ان اضرب بحبه عرض الحائط واكمل طريقى....واعد الحب انى لن اقربه مرة اخرى....هل هذا جزائى لانى احببت دون استئذان...هل كان يجب ان استئذن....استئذن الحب؟؟...هل هذا عقابى لانى آمنت به ام ماذا؟؟...لماذا يؤلمنى قلبى كثيرا بسببه...لماذا بعد كل هذا أشعر بالذنب تجاهه!!..ولا تسألينى لماذا صديقتى...كم اتمنى ان اعرف فقط انه يحب غيرى كى استطع نسيانه....كم اتمنى بالعودة بالزمن سنة ونصف كى اتجنبه واحاول جهدى كله فى عدم الوقوع فى حبه...بل كنت سأكرهه "
" لنقاء حبك رونق خاص يندم على خسارته كل رجال العالم . هوّني عليك فالله لا ينسى أحد . لا تفكري في " لو " و " ليت " فما كان قد كان والماضي لا يتغير . ارتمي بين احضان دفترك وارتقِ على سلم الجراح نحو الحلم . كنت أتمنى لو أن عندي أجوبة لسؤالاتك لكنت أرحت بها قلب من أعز القلوب لدي . ليس مني إلا أن أقول انا هنا وسأكون دوما هنا أسمع ما تقولين وما لا تقولين . ارقب جرحا وراء ابتساماتك واضمضه دوما حتى تشفي منه . الحب من يخسر هنا وليس أنتِ صديقتي ."
عن اليأس
عن اليأس أتحدث
أسبق أن يئست ؟!
أيئست وكنت وحدك ؟!
أيئست وكنت وحدك ولست ممن يبوح ؟!
أيئست وكنت وحدك ولست ممن يبوح ولا يوجد من يستمع صمتك ؟!
اذن فاصمت ولا تتحامل عليّ
كن عوناً لي لا حملاً عليّ
هوّنها
كان بدّي
" يَاليتنِي مِتُّ قبلَ هَذا وكُنت نَسيًا منسِيًا "
لا تتركيني يا صديقه
فالطقس بارد هنا
دفئيني
رمّمي شروخ العمر
كوني معي
حتى ينزل الله السكينة على قلبي
الطمأنينة على النفس
وراحة البال
لا تتركيني يا صديقه
فالطقس بارد هنا
دفئيني
رمّمي شروخ العمر
كوني معي
حتى ينزل الله السكينة على قلبي
الطمأنينة على النفس
وراحة البال
لو تعرفي
طيب مانا عايشه وكويسه اهو
وبعرف اضحك كمان
صحيح بكتبلك كتير
بس عادي الزمن بيقسّي
وبكره دفترك يخلص وأرميه
زي ما رميت غيره كتير
....................
افتكرت حاجه النهارده
كنتي لما بتزعليني
وكالعاده منتيش حاسه بحاجه
نظرا لانك ما بقيتيش بتحسي بيا
كنت بسمع دي
لو تعرفي !
روحي يا شيخه ... ربنا يسعدك ويحققلك (الحاجه) اللي بتتمنيها
"
أنا : انا ما بقيتش مؤمنه بالصداقه
بابا : ولا أنا
أنا : ههههههه أفادكم الله
بابا : ههههههههه
"
لست بشئ 2
عارفه انتي لما تعملي تصرف كذا مره
وانتي عارفه ان الموضوع ده بيضايقني
في الاول كنت بغير عليكي
متفرحيش اوي !
دلوقتي بغير على كرامتي
وبشفق على قلة احترامك ليا
ولمبادئك قبلي
كان كل مره تروحي لحد غيري
بزعل اوي
وترجعيلي بعدها
كنت بغنيلك عن قصد
"هتلف تلف وترجعلي"
مش ملاحظه اني مبقيتش اغني ؟!
زعلي منك مبقاش منك بقا على نفسي
دار ما بينا حوار قبل كده عن الثقه
مستغربه بصراحه ايه كمية اللباقه اللي حلّت عليكي دي
وللأسف بتنفذي كل كلمه مع كل الناس
إلا أنا
المره اللي فاتت كتبتلك بأسلوب أدبي
المره دي متستاهليش غير الفضفضه
بأبسط الكلمات
كل حاجه جايه مع بعضها ... كده كتير ... كتير
" أحتاج حروفك "
وانتي عارفه ان الموضوع ده بيضايقني
في الاول كنت بغير عليكي
متفرحيش اوي !
دلوقتي بغير على كرامتي
وبشفق على قلة احترامك ليا
ولمبادئك قبلي
كان كل مره تروحي لحد غيري
بزعل اوي
وترجعيلي بعدها
كنت بغنيلك عن قصد
"هتلف تلف وترجعلي"
مش ملاحظه اني مبقيتش اغني ؟!
زعلي منك مبقاش منك بقا على نفسي
دار ما بينا حوار قبل كده عن الثقه
مستغربه بصراحه ايه كمية اللباقه اللي حلّت عليكي دي
وللأسف بتنفذي كل كلمه مع كل الناس
إلا أنا
المره اللي فاتت كتبتلك بأسلوب أدبي
المره دي متستاهليش غير الفضفضه
بأبسط الكلمات
" ما عدت اشعر أني لست بشئ
فما عدت أعبأ
يكفي أنني شئ لآخر "
كل حاجه جايه مع بعضها ... كده كتير ... كتير
" أحتاج حروفك "
......
فقط لأنك تقرأ
فكلماتي انطفأت خجلا
وعلة نفسي غربتها
أيا قاهرة المعز .. أكرهك
وبي حنين لا يخمد
حنين لما لا أعرف
اني اخافك فطمئنّي
فكلماتي انطفأت خجلا
وعلة نفسي غربتها
أيا قاهرة المعز .. أكرهك
وبي حنين لا يخمد
حنين لما لا أعرف
اني اخافك فطمئنّي
أحاسيس مُفتقده
مفتقده جدا الضحك " من القلب "
فجأه ضحكاتها كلها اتحولت لـ خداع بصري
كل النكات في نظرها اصبحت كلمات مجبره انها تضحك عليها
عشان تجامل اللي أدامها او عشان متبقاش الكئيبه ما بين الموجودين
مفتقده جدا احساس " الشغف " بالشئ اللي بتعمله
روتين روتين روتين
هل هيا دي الحياه اللي كانت متحمسه ليها ؟؟
مفتقده احساس الانتماء لمكان وجودها
وطنها أصبح مختزل على أد كام متر في متر
بيتها وبس
بعض الأيام بتقوم من النوم تكلم نفسها
صحيتي لييييييييييه ؟؟ نامي بسرعه
وتغمض عينيها تاني جامد أوي
وتتمنى انها ترجع للحلم اللي اتقص منه احلى جزء
الصوره دي رسمت على وشها بسمه :)
كله ... بيعدي
كل لما بتخنق
واحس بضيقه جامده
دمعتي بتتعب
عشان حبساها
بس صعب عندي اريحها
واتعب نفسي بكلمة " مالك ؟ "
علطول
بحط ايدي على قلبي
واردد
استغفر الله
الحمد لله
واغمض عيني
وانام
واهو كله بيعدي
وبعدين بقا
ويعدين بقا
زمان
لما كنت بقع
بقول لالالالالا ده أكيد مش أنا
وبقوم بعدها أقوى وأقوى
دلوقتي
لو..... يعني.... لو قمت
بقول لالالالالا في حاجه غلط
وارجع لورا أكتر من الاول
احساس التقصير محاوطني
بستخسر في نفسي حتى الابتسامه
بجد يا ريتني ارجع صغيره
ويا ريت يرجع العالم حواليا يقتصر
على بيتي ومدرستي واصحابي
طيب احلها ازاي
ماهو انا لو بفكر مكنتش اختارت ابعد
كنت فكراني أد المسئوليه
صفات كتير فيا طلع سبب وجودها اللي حواليا
ولما بعدت لقيتني مجرده من كل الصفات دي
ماشي ماشي هبني نفسي وهتأقلم
يلا استعنا عالشقا بالله
عدا يوم
اتنين
شهر
اتنين
سنه
مفيش فايده مفيش فايده
طيب وبعدين بقا
برده الكتابه مريحتنيش
وبعدين بقاااااااااااااااا
الدوا الوحيد اللي كان بيجيب نتيجه
ما عادش بيأثر
ما عادش بيأثر
يا رب
يا رب
يا رب
يا رب
الاشتراك في:
الرسائل (Atom)