كم ظلمناك يا أسود ... مشاركه




منذ صغري وأنا أعشق ذلك الليل الطويل ذو النسمات الهادئه وصوت الطيور التي تصيح بما في نفسي من شجون 
اعتدت على تأمل السماء ليلا فكنت أرى ما لا يرى من النجوم البعيده التي ترسل ضوءا خافتا يكاد ينطفئ ولكنها تظل تحارب كي تبعث لنا أثرها وتثبت انها حية هناك في ذاك الوجود 
كم عشقت سواد السماء المعبأ بأضواء النجوم .... ولولاه لما لحظت أضواءها 
فكم ظلمناك يا أسود وانت دائما ما توجع القلب كي يميز السعاده 
كم قرناك بمأتم الأرواح وما بيدك حيلة 
أعتذر لك 
لن تكون اللون الرسمي لمكاني بعد اليوم 
لأني لا أرضى لك بأن تكون لون الأحزان 


عايش على أمل الصدمه









فن الاستبياع .... اه فن 
عشان تتقنه لازم تحفظ الكلام ده 
عادي ... مش فارقه ... هيحصل ايه يعني ... اييييه دنيا 
التنفيذ :
مفيش اسهل من كده  
فيرست ستيب :D
متربطش نفسك بحد 
be independent 
ساكند ستيب 
بي كووول يا بارد متبقاش حسيس أوي يعني 
ثيرد ستيب 
خليك وثيق من الفوز :D
اقصد عيش يومك غريب مفيش علاقه بين الاتنين متدقش يا سيدي اوي كده
النتيجه :
بما ان انت اصلا مش كده هتلاقي نفسك قسيت مره واحده زي ما تكون طشيت قلبك وهوا جمره بحتة تلجايه
هتحس انك وحيد وبعدين تتأقلم وترجع تحس انك وحيد وتتأقلم وهكذا دواليك :D
اخر حاجه بقا تقعد مع نفسك وتفهم أد ايه كنت غبي وحمار لما صدقت ان ممكن يبقا ده روتين حياتك 
وتاخدك الحماسه وتعمل بلان لنجاح ساحق 
هوبا ايه استعنا عالشقا بالله 
اخرك يومين وتتهبل تاني وتبدأ مسلسلك بنفس السيناريو ونفس الغباء 
طول الوقت بتتمنى حاجه من حاجتين صدمه تفوقك أو حد يشجعك بس عشان انت مش بتحب تطلب التشجيع ساكت 
فبتكتفي انك تعيش .... على أمل الصدمه 

فلسفة كام يوم فاتو 2





نحن لا نعيش بل نتعايش



جميل انك تعيش بسهوله بس ساعتها لازم تبقا غبي عشان ما تدقش على السذاجات



شعور لذيذ لما تبقا عارف ان حد بيستعبطك وانت تستمر في دور الـ " عامل عبيط "



ما تنافسنيش في ما أجيد ... عشان هتخسر >> ثقه ؟!!



صفات بتستفزني : الغباء - الجدال على باطل - المجاهر بالسوء على أساس انه شاب فري - النفخه الكدابه



كم هي قبيحه تلك العلاقات القائمه على النفاق والتجمل والتصنع ... حقا أكرهها






رجلي الاستثنائي








أنا :

" احبك رجلا استثنائيا 
ليس ككل الرجال 
ان خفت
وجدت بين ذراعيك مأمني 
ان بكيت 
واسيت مدمعي "

هو :

" عزيزتي هذا ليس بفعل استثنائي "


أنا :

" فلتفعل هذا أو لا تفعل 
فبلا شئ 
أنت رجلي الاستثنائي 
انت اختياري 
تمنيتك ماضيا 
عشقتك حاضرا 
أموت لأجلك مستقبلا "

هو :

" أحبك أميرتي "

أنا :

" أحبك زوجي "





وصفك






ما أكثر ما كتبت ..
ولكن فيك جاهدت وصفا ..
وكلمة عنك ... لا لم أجد 
تم ..


وعد الكتابات




استحي من كل حرف بات يخنقني
فأظهره
من يستحق …
من يستحق أن يشعره
من يستحق أن يرى لين قلب
جرح عميق
أو فرحة عارمه
في كل حرف أكتبه

أتراني قد وجدتك ..؟!
أم لم أزل في المرافئ أنتظر
يأتي القطار
فأمعن النظر في كل وجه
في كل صوت
وذاك الشعور ..
لا لم أشعره
فأرجئ الأشواق
حتى كاد قلبي ينفجر

أجلس في وحدة
والناس ملئ المكان
والسر لا أحد منهم يعرفه
لا أحد منهم يشعره
فأكتب في الذاكره
أن يا مكان ..
ليس لي من أحد هنا ..
فاشهد ..!!


أكتب ...
وذاك وعد الكتابات
ان تهدئ روعي
وتسمع أنيني ..
فتحتويه ...
فـ شكرا
أن ما زلتِ للوعد
صادقه

لما أموت




لما اموت
ما ترمونيش جوا درج ذكرى وتسيبوني
ما تعلقوش شاره سوده على صورتي زي غيري

لما اموت
انسوا كل كلمه وحشه مني في حقكم
سامحوا على اي غلطه مني باتت تسود قلبكم

لما اموت
متخلونيش كلمه تعكَر قعده حلوه
ولا وسط ضحكه اكون انا الدمعه
حتى لو كانت حزينه خلوني أنا البسمه

لما اموت
سيبو النسايم تهفهف على جنة احلامي
يمكن يكملها حد حس بنفس أحزاني

لما اموت
افتكروني بالخير
وادعولي


دي مش وصيه
دي بس أمنيه