وبعدين بقا




ويعدين بقا 

زمان 
لما كنت بقع 
بقول لالالالالا ده أكيد مش أنا 
وبقوم بعدها أقوى وأقوى

دلوقتي 
لو..... يعني.... لو قمت 
بقول لالالالالا في حاجه غلط 
وارجع لورا أكتر من الاول

احساس التقصير محاوطني 
بستخسر في نفسي حتى الابتسامه 

بجد يا ريتني ارجع صغيره 
ويا ريت يرجع العالم حواليا يقتصر 
على بيتي ومدرستي واصحابي 

طيب احلها ازاي 
ماهو انا لو بفكر مكنتش اختارت ابعد 
كنت فكراني أد المسئوليه 
صفات كتير فيا طلع سبب وجودها اللي حواليا
ولما بعدت لقيتني مجرده من كل الصفات دي

ماشي ماشي هبني نفسي وهتأقلم 
يلا استعنا عالشقا بالله 
عدا يوم 
اتنين
شهر 
اتنين 
سنه 
مفيش فايده مفيش فايده 

طيب وبعدين بقا 

برده الكتابه مريحتنيش 

وبعدين بقاااااااااااااااا

الدوا الوحيد اللي كان بيجيب نتيجه

ما عادش بيأثر

ما عادش بيأثر 

يا رب 

يا رب 

يا رب 

يا رب 


11 التعليقات:

شمس النهار يقول...

انتي قلتي كلمة السر مفتاح كل شئ

ياااااااااارب

د.ريان يقول...

صباحكِ ورد وود سيدتي اميرة

كلمات روعة وجميلة من قلمكم في

وصف النفس ومشاعرها تجعلنا نحس

برقة القلم وجمال المشاعر رغم الحزن

دمتم بكل توفيق ونجاح راقيتنا

mira@ يقول...

شمس النهار

يا رب يا رب

د.ريان
القلم قرب يجيلو شلل

دعواتكووووووو

ENG./ELSAYED,PMP يقول...

توحدى مع ذاتك ... بس خلاص ... بس الواحد عرف ده متأخر ... أكيد تأثير الناس كبير ... بس فيه جزء كبير من هذا التأثير أحنا سبب فيه ... لآن الأخر بيقرانا ... وبيعرف مفاتيحنا ... وبيتصرف على هذا الأساس ... استخدمى نصفى المخ بشكل جيد ... وكونى فى حالة تركيز مستمر ... ف الاول هتبقى العملية صعبة ... بس مع الوقت هتلاقى نفسك حاجة تانية ... بل انك انتى اللى بتأثرى فى الناس ... التركيز المستمر والحاد :)
تحياتى

سواح في ملك الله- يقول...

يارب

خير دواء فهو المعين

ادعوني استجب لكم

تحيتي

mira@ يقول...

صدقي يا بشمهندس كل ده فكرت فيه
تصدق في مره قفلت موبايلاتي وقررت هجرب اعيش لوحدي اسبوع بدوون الاعتماد على اي حد
انهارت في اول يوم
بس ربنا كريم كل شويه بيبينلي حبة أمل بمشي وراهم
وأكيد المرحله دي هتعدي وأفوق لنفسي عاوزه احدد طريقي بقا

mira@ يقول...

سواح في ملك الله
ربنا كريم
وكرمه مالوش نهايه
يا رب
خليك مع الغلبانين

reemaas يقول...

خير دواء يا اميرة الدعاء

بس مش تياسى اوقات كتير بمر بالحالة دى وبحس انى مش بضحك علشان انا عاوزة ده لا انا بضحك بسبب اللى حواليا وبعمل كذا بسبب اللى حواليا

احساس صعب

mira@ يقول...

ريماس
معاكي حق
انا هرمي حمولي على الله واكيد اللي بيحصل ده هلمس أثره الايجابي بعد كده
كل أمر المؤمن خير

دعاء العطار يقول...

تقريباً أكتر حاله بمر بيها حالياً

وزيك بالظبط كده بقول " يارب "

محسوسه أوى ياميرا (: (:

mira@ يقول...

دعاء
للأسف الواحد لما بيمر بالحاله دي بيحس انه لوحده فالعالم اللي بيمر بيها
ربك كريم
وأحلى كلمه " يا رب "