القلب لو مات .. مالوش ديَّه





فيه حاجات كتير بسمعها
ما بحسهاش
 وحاجات كتيرتندهني
ما بروحلهاش
يمكن عشان خايفه
اللحظه تسرقني
واندم
واتألم
ودي صعبه اكمنِّي مبنساش

بسمع حاجات تانيه
بتوصف احساسي من جوا
قلبي بيصرخ فيا وبقوه
أهو الشعور اتقال
وبكام كلمة مش في مقال
كتماني ليه مش قادر اتنفس
ده القلب لو مات .. مالوش ديَّه

3 التعليقات:

Mustafa Dagher يقول...

هو انا عاجبني الكلام
و بعدي كتييير بنفس الحاله

بس عايز اسألك
انتي تقصدي تكتبي شعر هنا
ولا مجرد خواطر؟؟

mira@ يقول...

لالالا مجرد خواطر اكيد
على فكره انا مش بعرف اكتب شعر
ولا اعرف البحور ولا الاوزان ولا الكلام ده
ان شاء الله الخطه الالفيه الجيه هقرأ عنها
معلش اتأخرت في الرد
مبقتش بتابع كويس :(

eslam elbahrawy يقول...

وايه يعنى ..وفارقه ايه

ما هيا هيا

القلب مات ولا مامتش

فى الزمن دا برضو مالوش ديه

قالوا زمان الظلم يتحس

ودلوقتى بقيت بشوفه بعينيا

غدر الصحاب ولا الحبيب

مابقاش فى اوحش من النية

حتى الاهالى ويا القرايب

الكل بايع وصلة الدم منسية

حتى يوم فكرت احب

على واحده بس حطيت عينيا

اديتها حب اديتها حنان

واديتنى غدر وأسية

قلبى نزف بحور الدمع

وهيا الدم فى قلبها ميه

وبرضو نرجع ونقول

مات ولا عاش

برضو القلب مالوش ديه


ارجو قبول مرورى وكلماتى.. وان كانت لا تساوى ابداع كلماتكم .. لكم جزيل الشكر..
اسلام البحراوى