تكبيرة الثوره

بكره العيد

كل سنه وانتم طيبين

10432_1096473182972_1560893116_30241610_5283384_n

حبيت أحكيلكم عن اول تجربه في الخير ليا

النهارده شاركت في يوم الكساء مع جمعية رساله

بعيدا عن الاخلاق اللي اكتسبتها النهارده

في موقف أثر فيا أوي

كان في ست كبيره مصره انها تاخد طرحه سودا

والمرافق اللي معاها تعب لحد ما لقالها واحده بعد ما جابهالها

قالتله : “ ربنا يبارك فيك يبني انا كان لازم اخد الطرحه النهارده لاني معنديش غير الطرحه اللي لبساها دي وبلبسها بقالي تلات سنين وكنت وخداها برده من رساله “

الست دي خرجتني من القوقعه اللي كنت عايشه فيها وخلتني اردد الحمد لله لحد ما روحت

مش هيا بس كان فيه حالات كتير بجد محتاجه بس الطيبه المصريه اللي شفتها في وش الست دي أسرتني

واكتر حاجه كانت بتريحني هيا البسمه على وش الاطفال لما بيلاقو حاجه حلوه تعجبهم

اتعلمت النهارده من ناس كتير طرق تعامل واخلاق ومبادئ حلوه اوي

وعرفت اد ايه انت ممكن تأثر في غيرك ببسمه عالشفايف وكلمه حلوه

بجد بنصح أي حد كان بيكسل زي حالاتي كده يجرب ولو مره ويقرر بعدها هيشارك ولا لا

حب مصر2

من شويه في المسجد اللي جنب بيتنا اشتغلت التكبيرات

حسيتها اوي …. أمّال … دي اول تكبيرة عيد بعد الثوره

متحمسه للتكبير في وسط زحمة الصلاه أوي

الله اكبر الله اكبر الله اكبر لا اله الا الله
الله اكبر الله اكبر ولله الحمد
الله اكبر كبيرا والحمد لله كثيرا وسبحان الله بكرة واصيلا ولا اله الا الله وحده صدق وعده ونصر عبده وعز جنده وهزم الاحزاب وحده لا اله الا الله ولا نعبد الا اياه مخلصين له الدين ولو كره الكافرون

كل سنه وانتم طيبين

كل سنه ومصر سالمه لينا




10 التعليقات:

د.ريان يقول...

كل عام وأنتم بخير يارب

والشعب المصري وكل الشعوب بخير

وطيبة أسعدني المساء هنا

دمتم بكل ود mira@

Unknown يقول...

ادامك الله لفعل الخير
هؤلاء الناس تسعدهم بسمة في
وجوههم .. فما ادراك بمساعدة تنفعهم..
عيدكم الأول بعد الثورة
وجعل الله حياتكم كلها أعياد ومسرات
الله أكبر .. الله أكبر ..لا إله إلا الله

Ammal Side يقول...

كل سنة وانتي لله اقرب

كل سنة وصغيرتي تشعرني بالفخر اكثر

..

اسعدني ما قرأت .. ودي
:)

Amira Yusuf يقول...

د. ريان كل سنه وحضرتك طيب
ربنا يديم تشريفك لينا

Amira Yusuf يقول...

آس
اللهم آمين
شكرا عالدعوات الجميله دي
كل سنه وحضرتك طيبه
نورتيني يا فندم

Amira Yusuf يقول...

أختي وحبيبتي أنثى الوجع
ربنا يخليكي ليا يا رب
كل سنه وانتي طيبه
وعيد سعيد عليكي وعالاسره كلها

غير معرف يقول...

صباحك غاردينيا ميرا
وكل سنة وانتي طيبة
وكل عام ومصر الغالية بخير
وبعتذر عن غيابي عن مدونتك
ووعد ماغبش عنك تاني :) "
؛؛
؛
لروحك عبق الغاردينيا
كانت هنا
reemaas

Amira Yusuf يقول...

ريمووو <3
وحشتنا طلتك علينا
كل سنه وانتي طيبه يا قمر
متغيبيش تاني بقا :)

.. Asmhan .. يقول...

كل سنه وانت بخير
وأم الدنا بخير
والله يحفظكم يا رب

Amira Yusuf يقول...

وانتي طيبه يا سمسم