زهقت



نفسي اصغر
على سبيل المثال
احدف طوبه على باب واجري
اكسر بالكوره شباك فصلي 

نفسي افرح
على سبيل المثال
القى دموعي مالفرحه بتجري 
وأسيب حلمي لحدوده يلغي 

نفسي اتميز
على سبيل المثال 
اعمل حاجه بيقولو متعملتشي 
ألقى حروفي يقروها متزهقشي

نفسي أأجز 
على سبيل المثال
اروح غيبوبه وارجع تاني
القى غلاوتي بانت من تاني

نفسي يا دنيا 
مالك بيا 
بقيتي ممله 
منتيش ليا 
ولا عليا 

اقدر اقول 
تعبت 
زهقت 

وتستمر الحياه


11 التعليقات:

ENG./ELSAYED,PMP يقول...

قبل ما أقرا البوست بعشر دقايق
كان على بالى اغنية قديمة بتقول
كنا عيال لابسين كاستور ... واتعلق حلمنا بالنور .. هب وشب ونط السور ... دور على حلمك تلاقيه

تحياتى

mira@ يقول...

يااااااااااه
متتخيلش حضرتك الراحه اللي حسيت بيها
بجد متشكره

Mohamed Ismail Badr يقول...

وعجبي..,
الاسلوب رائع ولكن يمكن ان تستمر الحياة بدون الملل او اليأس او الحزن الملموس في هذه الكلمات اذا اردنا ذلك

mira@ يقول...

صدقني مش بالسهوله دي
مين فينا مش عاوز يرتاح
بس ربنا قال
"لَقَدْ خَلَقْنَا الإِنْسَانَ فِي كَبَدٍ"
صحيح لازم نستحمل ونستعين بربنا
بس فيه مقوله عجباني جدا بتعبر عن احوال الانسان قالتها بسمه العوفي :

ربنا عارف إن أنا إنسان
ساعات مخنوق
كفران
وساعات مبسوط
وبسرعة تفوت
وأرجع متضايق
طهقان
والكون مبيبقاش له ألوان
مش لاقي كلام يوصف حالتي
غير
"أنا تعبـان"

أشكرك :)

nagham elroh يقول...

ربنا يريحك يا حبى ويخرجك من الزهق ده بس بالله عليكى ارحمى نفسك من الاكتئاب ده شويه ^_*

ريــــمــــاس يقول...

صباح الغاردينيا
اي ده يامرمر
ايه الي تكسري وتحذفي
ههههههههه
نص جميل بيعبر عن روح زهقانه بجد
انما ربنا مايوريكي حزن او زهق
يلا بقى اشوف ابتسامتك الحلوة في البوست الجاي
؛؛
؛
لروحك عبق الغاردينيا
كانت هنا
reemaas

بنفسجية الأنامل يقول...

نفسي يا دنيا أن تتركني وحدي أعيش بسلام !

سلمتِ
تحياتي
بنفسجية الأنامل

mira@ يقول...

eman
ارحميني

REMOO
نعمل ايه يا اختي الزهق يطلع اكتر من كده
اوعا القطر هههههههه

بنفسجية الأنامل
الدنيا ورانا ورانا في اتجاه هتبصي لازم تلاقيها في وشك
الحمد لله على نعمة التأقلم

نورتوني جميعا

الاحلام يقول...

نفسى اكن مثلهم
على سبيل المثال
كتاباتى تكن رائعه مثل ما يكتب هنا
قلمى يكن متالقا مثلما يكن قلمك هنا
ابداعاتى تكن حاضره مثل الابداعات الموجوده هنا
كلماتك جميله ورائعه دمتى دائما متالقه تقبلى تحياتى الاحـــــــــــــلام

mustafadagher يقول...

هي عجبتني جدا و حسيتها أوي أوي

بس عايز أقولك
إنها كانت ممكن تطلع منك احسن من حده بكتير لأني عارف مستوي كتاباتك كويس

كانت ممكن تبقس شعر أو نظم جامد جدا لو كنتي صبرتي عليها شويه

بس كل دا ميمنعش إني حاسسها جدا و عجباني جدا

و ان شاء الله دايما اللي جاي احسن

ربنا يوفقك يا رب

mira@ يقول...

أ/أبو داوود
بل أنا أتمنى ان تكون مدونتي بابداع مدونتكم
وككل مره تشرفني زيارتكم

مصطفى
انا فعلا كنت مستعجله عليها
انا بكتب عشان افضي شوية أحاسيس جوايا
عشان كده انت حستها مع انها خاليه من الابداع
شكرا ع النصيحه