عايش على أمل الصدمه









فن الاستبياع .... اه فن 
عشان تتقنه لازم تحفظ الكلام ده 
عادي ... مش فارقه ... هيحصل ايه يعني ... اييييه دنيا 
التنفيذ :
مفيش اسهل من كده  
فيرست ستيب :D
متربطش نفسك بحد 
be independent 
ساكند ستيب 
بي كووول يا بارد متبقاش حسيس أوي يعني 
ثيرد ستيب 
خليك وثيق من الفوز :D
اقصد عيش يومك غريب مفيش علاقه بين الاتنين متدقش يا سيدي اوي كده
النتيجه :
بما ان انت اصلا مش كده هتلاقي نفسك قسيت مره واحده زي ما تكون طشيت قلبك وهوا جمره بحتة تلجايه
هتحس انك وحيد وبعدين تتأقلم وترجع تحس انك وحيد وتتأقلم وهكذا دواليك :D
اخر حاجه بقا تقعد مع نفسك وتفهم أد ايه كنت غبي وحمار لما صدقت ان ممكن يبقا ده روتين حياتك 
وتاخدك الحماسه وتعمل بلان لنجاح ساحق 
هوبا ايه استعنا عالشقا بالله 
اخرك يومين وتتهبل تاني وتبدأ مسلسلك بنفس السيناريو ونفس الغباء 
طول الوقت بتتمنى حاجه من حاجتين صدمه تفوقك أو حد يشجعك بس عشان انت مش بتحب تطلب التشجيع ساكت 
فبتكتفي انك تعيش .... على أمل الصدمه 

6 التعليقات:

MIE يقول...

ده حال اى بنى ادم فريد ومميز من نوعة وتفكيرة مختلف عن باقى البشر..مهما حاول انه يبقى طبيعى زى البشر اللى اصلا مش طبيعيين مش هيعرف...الحل انك ياما تعيشى لوحدك وده طبعا صعب شوية ياما تشوفى حد زيك تعملى شيرينج معاه فى كل ده...والانسان الذكى بس اللى يقدر يتعامل مع اى موقف حسب ما الموقف نفسه عاوز..اه بالبلدى كده تلونى نفسك حسب الظروف..بعد فترة قليلة هتلاقى فيه سويتش بوتتن اوف/اون..كل حاجة بعد كده هتبقى صح وعن تجربة :D..والغبى فعلا اللى يقنع نفسه ان دى حقيقة ويتقبلها...لازم يكون فيه فايت حتى لو مع نفسك

وابقى اعرفى انا مين بقى :-P

رؤى عليوة يقول...

ههههههه لغة مختلفه بصراحة

يمكن انتى مرحه لكن جواكى حزن شويه اممم مش عارفه

عموما موضوع تربط نفسك بحد المعنى اللى قصدته ببوست كتبته بعنوان المحور
موضوع فشل فى الواقع
ربنا يستر لاننا صعب نعرف نغير او نستمر فى التغيير


دمت بخير

Amira Yusuf يقول...

مستر MIE
اي ثينك اني عرفتك
اصل البؤين دول بيتقالولي علطول :D
منور البلوج

Amira Yusuf يقول...

رؤى

على فكره البلوج لا تعبر الا عن 7 فالميه من شخصيتي

تسلملي متابعتك

gmr14 يقول...

هههههههههههه
سيمبلي مايت بي!!
ع فكرة فورت ستيب احلا شي
عندما تواجه مشكلة..
press F1 for help.. :P

Amira Yusuf يقول...

تؤ مش أوبشن هنا
نحن قوم نكابر على طلب المساعده
أهون نخطئ ونتعلم على اننا نطلب المساعده
ولكم قمر :)