أحاسيس مُفتقده






مفتقده جدا الضحك " من القلب "
فجأه ضحكاتها كلها اتحولت لـ خداع بصري 
كل النكات في نظرها اصبحت كلمات مجبره انها تضحك عليها
عشان تجامل اللي أدامها او عشان متبقاش الكئيبه ما بين الموجودين 



مفتقده جدا احساس " الشغف " بالشئ اللي بتعمله  
روتين روتين روتين 
هل هيا دي الحياه اللي كانت متحمسه ليها ؟؟



مفتقده احساس الانتماء لمكان وجودها 
وطنها أصبح مختزل على أد كام متر في متر 
بيتها وبس 



بعض الأيام بتقوم من النوم تكلم نفسها 
صحيتي لييييييييييه ؟؟ نامي بسرعه 
وتغمض عينيها تاني جامد أوي 
وتتمنى انها ترجع للحلم اللي اتقص منه احلى جزء


الصوره دي رسمت على وشها بسمه :)

8 التعليقات:

د.ريان يقول...

مساء الخير ميرا

وأهلا بعودة حرفكم من جديد

وعودتكم وكلمات جميلة وصور بجد رائعة

دمتم بكل ود

Amira Yusuf يقول...

د.ريان
أسعدتني زيارتك جدا
وبعدين احنا منجيش حاجه جنب ابداع حضرتك
شكرا عالكومنت :)

walaa يقول...

على الرغم من انى اكثر واحدة تشعر بكى يا صديقتى
ولكن احب ان اقول لكى ان هناك الكثير منتظرنا
وعندما تستيقيظين وتتساءلين مرة أخرى عن سبب استيقاظك فكرى جيدا فى هذه الكلمه
وبعد 10 سنوات فقط سأذكك بهذا:)

Amira Yusuf يقول...

U did it :D :D
لسه هستنى عشر سنين
ماشي يا ستي أدينا مستنيين لما نشوف آخرتها

.. Asmhan .. يقول...

لقلبك أوتار
عزفت مشاعرها بصدق
كوني بخير
أيتها الجميله

basantkhattab.blogspot.com يقول...

الحالة دى كتير بتصيب الواحد وبنبقى شبه البنت اللى نايمة ع السرير كدة !

بس انتى جبتى المفيد ممكن حاجة صغيرة اتفه بكتير من كم الحاجات الى شايلنها فوق دماغنا تخلينا نضحك ونفوق من تانى
مهمتنا ندور ع الحاجات دى ;)

Amira Yusuf يقول...

Soma
اهلا بيكي غايبه بقالك كتير عننا

Amira Yusuf يقول...

باسنت
بس برده احيانا الابتسامه بتبقا مش كفايه