الكائنات البيضوحباطيه


 

- بلااا بلا بلااا بلاااااا    ....  انا كده غلطانه يا أميره ؟
- بصراحه ايوه انتي كان المفروض تـ ...
ثم ما كدت انطق التاء حتى قذفت عليّ وابل من الصراخ اعتراضا على ما كنت "سـ"أقول
- انا مغلطتش اناااااااااا
- طيب انا اقصد انـ
- لا تقصدي ايييييه انا اصلا كنت اقصد حاجه تاني
- طيب اسـ
- لاااااااااا
- عارفه ... انا اللي غلطانه
- ايوه ( بابتسامه بلهاء )




- أميييييييره
- نعم
- بجرب اسمك
- اميييييره تعالي بسرعه
- نعمين
- انا حرقت الاكل
- ما لازم تاخدي بالك هو كل مره كده ؟!
- ملازم ولا كتب هااهااهاهاهاهاهاهاهاهاها
" الألشه التي قتلتني "



لما بركب ورا في الميكروباص
- على جنب لو سمحت
- على جنننننننننننب بعد اذنك
ومن ابتلاءاتي صوتي المنخفض جدا
وميهونش على بيضوحباطي واحد يوصل للسواق ؟!!!!!
وامشي بقا يا اميره نص كيلو عودةً



ماما : عملتي ايه في الامتحان ؟
أنا : عكيييييييت يا ماما
وبدأت أتأثر قال يعني على وشك البكاء
ماما : ههههههههههه انا عارفه انك هتقولي كده مش جديد عليكي
انا : بتضحكي يا مامااااااا ؟!
ماما : سيبيها على الله
أنا : انتي عامله اكل ايه النهارده بقااااا ؟
ماما : اظهر وبان عليك الأمان 

 خلاااص منعرفش نضيف شوية دراما عليهم نظرا لاننا بقينا بيضوحباطيين
" حفظونا "

- هوا مين ده ؟
- طيب ليه بيقول كده ؟

- هيا دي قناة ايه ؟
- هوا بيتكلم عن اييه ؟
- طيب بيشتغل ايه ؟
- هوا البرنامج ده هيخلص الساعه كام ؟

بابا : خدي الريموت انا  خارج (على وشك الانفجار)
" ملخص حوارنا اثناء النشره  "

وده ميكانيزم الاستيلاء على الريموت ;)
 



باختصار الكائن البيضوحباطي يتميز بالفراده :)
اشرب كابي عصير طبيعي بقطع الفواكه ...  تتخلص منه ^^

10 التعليقات:

ابراهيم رزق يقول...

ههههههههههههههههههه

انتى متأكده ان كابى هيقدر يخلصك

اعتقد التخلص بيحتاج الى شربة زيت خروع

تحياتى

محمد سلامة يقول...

مع إنى معرفش إيه البيضوحابطيين دول :)
دول تكوين البيض والإحباط ولا إيه :)
المهم الكائنات الأولى دى بأقولها أيوة إنت صح وانا غلط
يقولى بتاخدنى على قد عقلى ناقشنى :)
أما أنا فوالله بقول للسواق لو واحدة راكبة ورايا :)
وخناقة الريموت هى الخناقة الرسمية للبيت المصرى :)
تحياتى المعطرة

Unknown يقول...

لما لمسناه من إستنارة نهجك و قويم فكرك يسعد ( الزمن الجميل ) أن تدعوك لحلقة نقاش /((حقوق المرأة )) شمّاعة الفكر التغريبي و المنحرف،،وافر التقدير للتفاعل الإيجابي
http://zaman-jamil.blogspot.com/

Amira Yusuf يقول...

استاذ ابراهيم
:D
هما بيقولو في الاعلان كده
نجرب احنا ورانا ايه

Amira Yusuf يقول...

مسلم مصري

ولا انا اعرف يعني ايه :D

وتحيا الجدعنه :)

Amira Yusuf يقول...

منجي باكير

المرأه ... الكائن المقهور المفتري ^^

reemaas يقول...

هههههههههههههههه ده ولا جلاكسى تقدر عليهم يابنتى مافيش فايدة

Amira Yusuf يقول...

:))))
ربك بيعين بقا

افكار مبعثرة يقول...

هههههههه ضحكت اوي بس بجد كابي هيتغلب عليهم ما تيجي نجرب تايجر اكبر و سيطر
هههههههههههه
تحياتي

Amira Yusuf يقول...

اهو ده بقا بالذات ملوش اي فايده :D
اختك رايحه جايه بتاكل فيه ومفيش فايده لسه بنفس الدماغ الصغيره